२५
असार, धनगढी । नेकपा एमाले अध्यक्ष झलनाथ खनालले मुलुक राजनीतिक तथा
संवैधानिक संकटको फाइदा उठाउँदै पूर्व राजा ज्ञानेन्द्र पुनः राजाकै
भूमिकामा सक्रिय हुन खोजेको वताउनुभएको छ । उहाँले नेपालमा राजतन्त्र कुनै
पनि र्फकन नसक्ने भन्दै पूर्व राजा ज्ञानेन्द्रलाई धमिलो पानीमा माछा
नमार्न सुझाब दिनुभयो ।
सेती अञ्चल स्तरीय कार्यकर्ता भेला तथा प्रशिक्षण कार्यक्रममा सहभागी
हुन सोमवार कैलालीको धनगढी आइपुगेका खनालले ज्ञानेन्द्रले धमिलो पानीमा
माछा मार्न खोजेपनि त्यो सफल हुन नसक्ने वताउनुभयो । खनालले
भन्नुयो,’ज्ञानेन्द्रले चाहेर राजतन्त्र पुर्नःस्थापित हुन सक्दैन ।
राजतन्त्र फर्काउन सारा नेपालीको साथ चाहिन्छ । कुनै मन्दिर चहार्दैमा
राजसंस्था र्फकन सक्दैन । ‘ खनालले फेरी पुर्नःस्थापित भएर सत्ता चलाउने
दिवा सोप्ना नदेख्न समेत ज्ञानेन्द्रलाई आग्रह गर्नु भयो ।
खनालले एकीकृत माओवादीकै कारण मुलुक संकटमा फसेको र यही मौका छोपेर
पूर्व राजा ज्ञानेन्द्र सक्रिय हुन खोजेको आरोप लगाउनुभयो । उहाँले
माओवादीकै कारण दलहरुवीच सहमति हुन नसेको वताउनुभयो । एकफरक प्रसंगमा
खनालले प्रधानमन्त्री डा वावुराम भट्टराईले राजीनामा नदिएसम्म सहमति हुन
नसक्ने र बजेट पनि आउन नसक्ने वताउनुभयो ।
भेलामा उपस्थित नेता
कार्यकर्तालाई एमाले महासचिव इश्वर पोख्रेल लगायतका नेताहरुले प्रशिक्षण
दिने एमाले पार्टी कार्यालयले जनाएको छ । कार्यकर्ता भेला आगमी ३० गते
सम्पन्न हुनेछ ।
