१७
असार, काठमाण्डौ । सत्तारुढ मधेशी जनअधिकार फोरम गणतान्त्रिकले कार्यवहाक
अध्यक्षको जिम्मेवारी सम्हालेका राजकिशोर यादवलाई पदमुक्त गरेको छ ।
पार्टीको नीति विपरित विपरित हिडेको र कार्यवहाक अध्यक्षको जिम्मेवारी
दिएपछि एकपटक पनि केन्द्रीय समितिको वैठक नवोलाएको भन्दै वहमत सदस्यहरुको
सहमतिमा कार्यवहाक अध्यक्ष राजकिशोर यादवलाई पदवाट हटाइएको नेता राजलाल
यादवले जानकारी दिनुभयो । उहाँका अनुसार अध्यक्ष पदको जिम्मेवारी सहअध्यक्ष
नन्दन कुमार दत्तलाई दिइएको छ । कारबाहीमा परेका यादब पार्टीका तर्फवाट
वर्तमान सरकारमा सञ्चारमन्त्री समेत छन् ।
सहअध्ययक्ष नन्दनकुमार दत्तसहितका वहुमत
१२ केन्द्रीय सदस्यहरुले कार्यवहाक अध्यक्ष यादवलाई अध्यक्ष पदवाट हटाइएको
जानकारी निर्वाचन आयोगमा गराएका छन् । सहअध्यक्ष दत्तले केन्द्रीय समितिको
वहुमत सदस्यको निर्णयवाट कार्यवहाक अध्यक्ष यादबलाई पार्टीको अध्यक्षवाट
हटाएको जानकारी आयोगलाई गराइसकेको जानकारी दिनुभयो । दत्तले २२ सदस्यीय
केन्द्रीय समितिमा आफूसंग १२ केन्द्रीय सदस्य रहेको दाबी गरेका छन् ।
फोरमा चिरा पर्ने क्रम रोकिएन
नाम नै फोरम, त्यसैले होला चिरा पर्ने र
फोरिने क्रम रोकिएको छैन । संविधानसभा चुनावको बेला एउटै रहेको मधेसी
जनअधिकार फोरम अहिलेसम्म आईपुग्दा चार टुक्रा भैसकेको छ । अब यही
फोरमभित्रको एउटा हाँगा फेरि चिरिने क्रममा पुगेको छ । सत्ता र शक्तिको
तानातान र झिनाझम्टीमा टुक्रिने पालो फोरम गणतान्त्रिकमा आउन लागेको हो ।
कार्यवाहक भएपछि यादवले एउटा बैठक पनि नडाकेको, मनपरी ढंगले पार्टी चलाएको र
गैरजिम्मेवार भएको असन्तुष्ट समूहको भनाई छ ।
असन्तुष्ट समूहको यो कदमसँगै फोरम
गणतान्त्रिक केही दिनमै चिरा पर्ने निश्चित छ । यसले औपचारिकता पाउन मात्र
बाँकी छ । केही दिन पहिले मात्र विजयकुमार गच्छदार नेतृत्व रहेको फोरम
लोकतान्त्रिकबाट छुट्टएिर शरतसिंह भण्डारीले नयाँ पार्टी गठन गरिसकेका छन् ।
विजयकुमार गच्छदारको समूह छुट्टएिर हिंडेपछि उपेन्द्र यादव अझै सग्लो छ ।
तर गच्छदारको हाँगोबाट चाहिं अरु हाँगा पलाईरहेका छन् ।
गच्छदारबाट पहिले जेपी गुप्ता छुट्टएि ।
फेरि गच्छदारबाट हालै शरतसिंह भण्डारी छुट्टएि । अब जेपी गुप्ताको
गणतान्त्रिक पनि टुक्रिन लागेपछि फोरमको हाँगो पाँचवटा प्रष्ट देखिने भएको छ
।
