१५ असार, काठमाडौं । अनलाइन सर्च इन्जिन गुगले फेसबुकलाई चुनौति दिँदै सोशियल नेटवर्किङ बेभसाइट लन्च गरेको छ ।
‘गुगल +’ नामक नयाँ बेभसाइटमा आm्नो तस्वीर, सन्देश तथा प्रतिक्रिया बाड्ने सुविधा उपलव्ध छ । साथै गुगलको नामचित्र र तस्वीर पनि यसमा जोड्न सकिनेछ । बेभसाइटमा उपभोक्ताभित्र आफ्नो समूह खोज्न पनि सहज सुविधा छ ।
केही विश्लेषकहरुले भने भिडियो च्याटको सुविधा नराख्ने हो भने गुगलले फेसबुककै सुवाधालाई दोहोर्याएको हुने भनेका छन् । फेसबुकको लोकप्रियतासँग गुगलले उसलाई चुनौति दिने तयारी गरेको थियो । त्यसक्रममा उसले ल्याएको गुगल बेभ र गुगल बज इन्टरनेट प्रयोगकर्ताहरु माझ लोपप्रिय हुन सकेन ।
अनलाइन सर्च इन्जिन गुगलले आफ्नो नयाँ सेवालाई स्थापित गर्न चार विशेषता रेको दावी गरेको छ ।
सर्कल्सः ‘गुगल +’ मा एउटा यस्तो सुविधा छ, जसको माध्यमबाट आफ्ना साथीहरुलाई एक समूहमा राख्न सकिन्छ र आपसाम सामाग्रीहरुको आदान प्रदान गर्ने सुविध छ ।
ह्याङआउटः यस सुविधा अन्तरगत उपभोक्ताहरुले एक साथ भिडियो कन्फ्रेन्सिङ गर्न सक्नेछन् ।
हडलः यस सुविधामा आफ्नो समूहमा रहेकाहरलाई तत्काल सन्देश पठाउन सकिनेछ ।
स्पार्कस्ः यस सुविधामा प्राय आइरहने उपभोक्ताहरुले एक आपसमा सम्पर्क गर्न सक्नेछन् ।
उपत्यकामा घर भएका विभिन्न हाउजिङ कम्पनी र उद्योग सञ्चालक समेत संविधान सभा सदस्यवापत् संसद सचिवालयमा लाइन लागेर मासिक छ हजार रुपैयाँ घर भाडा बुझ्दै आएका छन्। आफ्नो घरमात्र नभई विभिन्न हाउजिङ कम्पनी चलाएका विनोदकुमार चौधरीलगायत व्यवसायी विमलकुमार केडिया, मोतिलाल दुगड, श्रवणकुमार अग्रवाल, जिपछिरिङ लामा शेर्पा, जुलीकुमारी महतो तथा पूर्वप्रधानमन्त्री शेरबहादुर देउवा, पुष्पकमल दाहाल लगायत सभासदले घर भाडा लिँदै आएका छन्। उपत्यकाबाट निर्वाचन जित्ने र घर भएका प्रायः सबै सभासदले घरभाडावापतको सुविधा लिँदै आएको संसद् सचिवालय स्रोतले जानकारी दिएको छ।