२७ असार, काठमाण्डौं । रगत अभावमा कसैले
पनि ज्यान नपरोस् भन्ने पवित्र भावनाका साथ निःशुल्क रक्त दान गर्ने गरिन्छ
। तर, दान गरेको उक्त रगतलाई ब्लड बैंकका कर्मचारीले कमाउने भाँडोको रुपमा
प्रयोग गर्छन भन्दा जो कोहीलाई अचम्म लाग्न सक्छ । तर बाँसबारीस्थित
ब्लडबैंकका कर्मचारीले यस्तै गरेका छन् ।
उक्त ब्लड बैंकका ल्याव टेक्निसियन
विजयकुमार ठाकुरले निःशुल्क दान गरेको रगत प्रतिपिन्ट पाँच हजार रुपैयाँका
दरले बेचेको प्रमाण फेला परेको छ । बाँसबारीका उज्वल थापा र स्थानीय युवा
क्लबका सदस्यहरुको उजुरीका आधारमा महानगरीय प्रहरी बृत महाराजगञ्जले
ठाकूरलाई शनिबार पक्राउ गरेपछि यस्तो रहस्य खुलेको खबर अन्नपूर्ण पोष्ट
दैनिकले छापेको छ । ठाकूर विगत ८ बर्षदेखि उक्त ब्लड बैंकका ल्याप
टेक्निशियनका रुपमा काम गरिरहेका छन् ।
ठाकूरले धनुषाबाट पत्निको उपचारका क्रममा
आएका विन्देश्वर महतोलाई प्रतिपि्रन्ट पाँचहजारका दरले पाँच पोका रगत २५
हजारमा बेचेको प्रहरी अनुसन्धानबाट खुलेको छ ।
