कागती निकै हितकारी फल हो । यो अमिलो
भएपनि खानमा निकै मिठो हुनेमात्र होइन गुनिलो पनि हुन्छ । कागतीमा औषधीय
गुण पाइन्छ र यसको नियमित सेवनले विभिन्न खालका रोगबाट हामीलाई सुरक्षा
गरिरहेको हुन्छ । कागतीका केही गुन निम्न छन् :
कागतीमा भिटामिन सी, मिनिरल जस्तै
क्याल्सियम, म्याग्नेसियम तथा फोस्फोरसका साथै प्रोटिन र कार्बोहाइड्रेट
पनि पाइन्छ । यदि तपाइँलाई वाकवाकी लागिरहेको छ, पेट पोल्ने तथा कब्जियत
जस्ता समस्या छन् भने एक गिलास मनतातो पानीमा कागतीको रस मिलाएर खानुहोस् ।
कागतीको रसले एकप्रकारको औषधिको काम गर्छ जसले पित्तको उर्त्र्सजन सन्तुलन
गर्ने, रगत सफा गर्ने तथा सरीरबाट जिवाणु तथा विषाक्त पदार्थलाई बाहिर
फ्याँक्न सहयोग गर्छ ।
एक्कासी बाडुल्की लाग्नथाल्यो वा हिक्का
आयो भने एक गिलास पानीमा कागतीको रस मिसाएर पिउनुहोस् । कागतीको रस नियमित
सेवनले मुत्रथैली तथा मुत्रप्रणालीको संक्रमण पनि रोक्दछ । कागतीको नियमित
सेवनले घाँटी दुख्ने तथा टनसिल्स जस्ता समस्या पनि कम गर्छ ।
चिसो तथा रुघा लागेको छ भने मनतातो पानीमा
एक चम्चा कागतीको रस र एक चम्चा मह मिलाएर पिउनुहोस् । दमका रोग्ाीले पनि
मनतातो पानीमा कागतीको रस मिलाएर खाँदा फाइदा हुन्छ ।
कागतीमा विभिन्न २२ प्रकारका क्यान्सर
प्रतिरोधी तत्व पनि पाइन्छन् । यी तत्वले विभिन्न खालका क्यान्सरको जोखिम
पनि कम गर्छ । त्यस्ौले कागतीको नियमित सेवनले क्यान्सरको खतरालाई पनि
न्यून गर्छ ।
कागतीले हाम्रो रोग प्रतिरोधी क्षमता बढाउँछ । कागतीको सेवनले तनाव घटाउन पनि सहयोग गर्छ ।
गिँजाबाट रगत बग्ने समस्या छ वा मुख गन्हाउने समस्या छ भनेपनि कागतीको नियमित सेवन आवश्यक हुन्छ ।
अनुहारमा डण्डीफोर आएर दिक्क हुनुभएको छ
भनेपनि कागतीको रस तपाइँको लागि उपयोगी बन्दछ । कागतीको रसमा थोरै ग्लिसरिन
मिलाएर अनुहारमा लगाउँदा डण्डीफोर हट्ने मात्र होइन अनुहारमा भएका विभिन्न
दाग तथा धब्बा पनि हट्छन् ।
तरकारी पखाल्दा खाली पानीमात्र नभै
कागतीको रस मिसाएको पानीले तरकारी पखाल्ने गर्नुहोस् । यसो गर्दा तरकारीमा
प्रयोग गरिएका विभिन्न खाले विषादीको असर कम हुन्छ ।
यद्यपि कागतीको बढि सेवनले अमिलोका कारण
पेटलाई असर गर्नसक्छ । साथै दाँतको इनामेल खराब गर्ने र अल्सर रोगीले पनि
कागतीको बढि सेवन गर्नु उतिसारो राम्रो मानिँदैन । तथापि सन्तुलित रुपमा
नियमित रुपमा कागती खाएमा स्वस्थ रहन मद्दत पुग्छ ।
