पुदिनाको अचार सबैलाई मन पर्छ । अझ यो
गर्मी मौसममा खानाको स्वाद बढाउन पुदिनाको उपयोग धेरैले गर्छन् । तर पुदिना
केवल स्वादिलो मात्र होइन निकै गुनिलो पनि हुन्छ । पुदिनामा औषधीय गुण
पाइन्छ र यसको नियमित सेवनले विभिन्न खालका स्वास्थ्य समस्याको समाधानमा
सघाउ पुग्छ ।
सहरतिर घरको छतमा, बरण्डामा, गमलामा समेत
हर्ुकाउन सकिने पुदिनामा गर्मी खप्ने क्षमता हुन्छ । त्यसैले सहरतिर कोठा
भाडामा लिएर बस्नेहरुले समेत बरण्डामा गमलामा पुदिना हुर्काएर अचारको गर्जो
टार्ने मात्र होइन स्वस्थ बन्न सक्छन् । पुदिनाको सेवन मात्र होइन यसका
पातको लेपन बनाएर लगाउँदा विभिन्न खाले छालाका समस्या पनि कम हुन्छन् ।
पुदिनाका गुण निम्न छन् :
अनुहारमा डण्डिफोर वा अरु प्रकारका खटिरा
आएर हैरान हुनुभएको छ भने पुदिनाको पात मज्जाले पिँधेर कागतीको रसमा
मिलाउनुहोस् अनि त्यसलाई अनुहारमा दलेर केहीबेर सुक्न दिनुहोस् । त्यसपछि
चिसो पानीले पखाल्नुहोस् । केही दिन त्यसो गर्दा अनुहारका डण्डिफोर
हट्नेछन् ।
निकै बाडुल्की लाग्ने वा हिक्का आउने समस्या छ – यदि त्यसो हो भनि पुदिनाको एक चम्चा रस एक गिलास मनतातो पानीमा मिसाएर पिउनुहोस् ।
सास गन्हाउने समस्या छ भने एक चम्चा पुदिनाको रस र एक चम्चा गाजरको रस मिलाएर नियमित खाने गर्नुहोस् ।
एक अध्ययन अनुसार पुदिना क्यान्सर रोगीका लागि पनि लाभदायक छ ।
ज्वरो आएका बेला पुदिनाको रस महमा मिलाएर खाँदा ज्वरो कम हुन्छ ।
अपच भएर पेट दुखेको छ भने पदिनाको रसमा अदुवाको रस र बिरे नूनको धूलो मिलाएर खानुहोस् ।
पिनासका बिरामीलाई पनि पुदिनाको रस लाभदायक हुने बताइन्छ । प्याज र पुदिनाको रस मिलाएर नाकमा नियमित हाल्ने गर्नाले पिनास कम हुन्छ ।
सलादमा दिनहुँ पुदिना चपाएर खानाले दाँत
सड्ने, गिँजा सुन्निने जस्ता समस्या दूर हुन्छन् । पुदिनाको पात पानीमा
उमालेर चिसो बनाएपछि उक्त पानी पिउने गर्नाले मुखको दर्ुगन्ध हट्छ ।
खोकी लागेको बेला पुदिनाको रसमा नुन मिलाएर तातो पानीमा मिसाएर पिउनपर्छ ।
झाडापखाला लागेको बेला पुदिना, प्याजको रस तथा कागतीको रसको समान मात्रा मिलाएर खाँदा फाइदा हुन्छ ।
न्यूमोनियाका बिरामीलाई पनि पुदिनाको रस र मह मिलाएर खाँदा फाइदा हुन्छ ।
ओखरले बचाउँछ मधुमेहबाट
ओखर खाँदा मीठो मात्र होइन यसमा निकै धेरै
औषधीय गुण पनि पाइन्छ । ओखर केवल यौन क्षमता वृद्धिका लागि मात्र होइन
निके जटिल मानिएको मधुमेह रोगको रोकथाममा पनि उपयोगी हुने विज्ञहरुले
बताएका छन् ।
विज्ञहरुका अनुसार हप्तामा कम्तिमा २ पटक
२८ ग्राम मात्र ओखरको गुदी खाने महिलामा मधुमेहको जोखिम २४ प्रतिशतले कम
हुन्छ । त्यस्तै ओखरको नियमित सेवनले क्यान्सर, मुटुरोग तथा बाथबाट पनि
बचाउन सहयोग गर्छ ।
अमेरिकामा झण्डै १ लाख ४० हजार महिलामा
गरिएको अध्ययनबाट यो निष्कर्ष निकालिएको हो । जर्नल अफ न्युटि्रसनमा
छापिएको अनुसन्धान रिपोर्ट अनुसार ओखरमा मधुमेह प्रतिरोधी गुण हुने कुरामा
विवाद नरहेपनि यसको अझै थप अनुसन्धान भने गर्नु आवश्यक छ ।
साथै ओखरमा पाइने फ्याट्टी एसिडले मुटु सम्बन्धि रोग, बाथ तथा क्यान्सर लगायतबाट जोगाउन सहयोग गर्ने निष्कर्ष शोधकर्ताहरुको छ ।
