मुकेश अम्बानीलाई भारतमा ‘जेड’ सुरक्षा, साथमा हरपल १३ सुरक्षाफौज, महिनाको खर्च १५ लाख भारु - bizmandu

रिलायन्स इन्ण्डष्ट्रिजका मुखिया मुकेश अम्बानीलाई भारत सरकारले ‘जेड’ तहको सुरक्षा दिने निर्णय गरेको छ । सरकारले बिहिवारबाट मुकेशलाई केन्द्रिय सुरक्षा बलका ३३ जवानबाट सुरक्षा दिने निर्णय गरेको हो । मुकेशसँग रहने सुरक्षाकर्मीसँग एके ४७ राइफल, ग्लक सेमि अटोमेटिक पिस्तोल र बुलेट प्रुफ ज्याकेट हुनेछ ।
अम्बानी भारतमा ‘जेड’ तहको सरकारी सुरक्षा पाउने पहिलो आमनागरिक हुन्, उनी मुम्बईमा यात्रा गर्दा १३ जना प्रहरीले दुईवटा गाडीबाट एक्सकर्ट गर्नेछन्, त्यसमध्ये एक जवान अम्बानीको गाडीको पहिलो सिटमा हुनेछन् । मुकेशलाई सुरक्षा दिन दुई वटा मारुती जिप्सी र उनकोको कार अघि एस्कर्ट गर्न एउटा गाडी दिइएको, सरकारी स्रोतले इकोनोमिक टाइम्सलाई बताएका छन् । अम्बानीका लागि छुट्टयाइएका ३३ मध्ये एक पटकमा सात जनाभन्दा बढीले छुट्टी पाउने छैनन्, २६ जनाले दुई १२ घण्टाको दुई सिफ्टमा सुरक्षा दिनेछन् । अम्बानी जहाँ पनि पुग्नेछन्, त्यहाँ सुरक्षाबलका १३ सैनिक उपस्थित हुनेछन् । यी १३ मध्ये कुनै पनि बेला दुई सुरक्षाकर्मी अम्बानीको पिएसओज् बन्नेछन् । यही पिएसओस अम्बानीको गाडीको पहिलो सिटमा बस्नेछन् । अधिकारीहरुले यो सुरक्षा अम्बानीलाई प्रदान गरिएको र उनका परिवारका कुनै पनि सदस्यले यो सुरक्षा नपाउने पनि अधिकारीहरुले बताएका छन् ।
अम्बानीले यी सुरक्षा अधिकारीलाई मुम्बई बाहिर पनि पनि लैजान सक्नेछन् तर उनीहरुको यात्रा र खानको खर्च भने उनैले उठाउनुपर्ने छ । अम्बानीले सुरक्षाका लागि प्रत्येक महिना १५ लाख भारु सरकारलाई तिर्नुपर्ने बताइएको छ । यसबाहेक सुरक्षा अधिकारीलाई बस्न अम्बानीले नै भवन बनाइदिनुपर्ने छ । मुकेश अम्बानीलाई ‘जेड’ तहको सुरक्षा दिने सरकारी निर्णयको भने त्यहाँका राजनीतिक दल र सर्वसाधरणले भने विरोध गरेका छन् । सबैभन्दा ठूलो विरोध आम आदमी पार्टी खोलेका अरविन्द केजरिवालले गरेका छन् ।