१४ फागुन,
काठमाडौं । सर्वोच्च अदालतले दलहरुबीच हुने सहमति अनुसार प्रधानन्यायाधीश
खिलराज रेग्मी चुनावी सरकारको नेतृत्व गर्न तयार रहेको भन्दै मार्गप्रशस्त
गरेको छ ।
लामो मौनता तोड्दै सर्वोच्चले सोमबार
विज्ञप्ति जारी गरी सरकारको नेतृत्वबारे दलहरुबीच भइरहेको छलफलप्रति रेग्मी
सकारात्मक रहेको बताएको छ ।
मन्त्रिपरिषदको अध्यक्ष बन्ने रेग्मीको
कुनै निजी चाहना र इच्छा नभएको भन्दै विज्ञप्तिमा भनिएको छ-’न्यायापालिकाको
सर्वोच्च पदमा रही देशको न्ययापालिकाको नेतृत्व गरिरहेको अवस्थामा
मन्त्रिपरिषद्को अध्यक्षता गर्ने सम्बन्धमा सम्मानीय ज्यूको कुनै निजी
चाहना वा इच्छा रहेको नभई यो विषय वृहत्तर राष्ट्रिय हित एवं सरोकारको विषय
रहेको हुँदा राष्ट्रिय हित अनुकूल देशमा उत्पन्न संवैधानिक जटिलताको
निवारणका लागि सम्माननीय प्रधानन्यायधीशज्यूको सकारात्मक दृष्टिकोण रही
आएको छ ।’
दलहरुबीच भएको छलफल कानून शासन,
मानवअधिकारप्रतिको सम्मान, न्यायापालिकाप्रतिको प्रतिवद्धता एवं ४ वर्षदेखि
निश्पक्ष रुपमा न्याय सम्पादनमा पुर्याउँदै आएको योगदान एवं
न्यायाप्रतिको निष्ठाका लागि रेग्मीलाई नेतृत्व दिनेबारे दलहरुबीच छलफल
भएको सर्वोच्चको ठहर छ ।
राजनीतिक तहमा गरिने सहमति, संवैधानिक एवं
कानूनी जटिलताको निकास न्यायपालिका र न्यायिक निर्णयको उच्च सम्मान गर्दै
सो अनुसार आगामी प्रक्रिया निर्धारण गरिने सह-प्रवक्ता हेमन्त रावलको
हस्ताक्षरसहितको विज्ञप्तिमा उल्लेख छ ।
यस्तो छ विज्ञप्ती
