काठमाडौं
। हृदयघातपछि बैंककको समिटभेज सुखुम्भित अस्पलतामा उपचार गराई रहेका पारस
शाहको स्वास्थ्य अझ जोखिमपूर्ण बनेको छ । शुक्रवार ‘क्रिटिकल’ भनेका
चिकित्सकको समूहले शनिवार पेटमा रक्तश्राव भैरहेको जानकारी दिएका छन् ।
शुक्रवारको मेडिकल बुलेटिनमा पारसको अवस्था ‘स्थिर’ रहेको जानकारी दिएको
उपचारमा संलग्न चिकित्सकको समूहले शनिवारको बुलेटिनमा ‘स्थिर’ शब्द झिकेको छ
।आजदेखि पारसको पेटमा रक्तश्राव भएको छ, उनको इन्डोस्कोपी गरेर आवश्य उपचार भैरहेको छ, बिहिवार जारी मेडिकल बुलेटिनमा छ । रक्तश्राव भएपछि पारसको उपचारमा ग्यास्ट्रोलोजिष्ट डा. श्रुरास्रक एक्पोङ्गपाइस्ती पनि संलग्न भएका छन् । शुक्रवारसम्म दुई जना कार्डियोलोजिष्ट र एक जना इन्टेन्सीभिष्टले पारसको उपचार गरिरहेका थिए ।
पारसलाई मंगलवार हृदयघात भएपछि गम्भीर अवस्थामा समिटभेजको सुखुम्भित अस्पतालमा भर्ना गरिएको थियो । पारसलाई आइसियुको भेन्टिलेटर लाइफ सर्पोट सिस्टममा राखिएको छ ।
उपचारमा संलग्न चिकित्सकको टीम ग्यास्ट्रोलोजिष्ट डा. श्रासक, इन्टेन्सिभिष्ट कुन्चित, कार्डियोलोजिष्ट परियना र सायन (क्रमस)
गम्भीर अवस्थामा रहेका पारसलाई शुक्रवार र शनिवार गरी श्रीमती हिमानीले भेट गरेकी छन् । उनले पारसको स्वास्थ्यस्थितिका विषयमा चिकित्सकका राम्रो परामर्श पनि गरेकी छन् । हिमानीसँगै बहिनी प्रेरणा, दिलासा, ज्वाईं डा. राजीव शाही लगायतका एक दर्जन नातेदार र आफन्त यतिवेला बैंकक पुगेका छन् ।
अस्पतालले शुक्रवार र शनिवार साँझ जारी गरेको फरक दुई मेडिकल बुलेटिन
समिटभेजको सुखुम्भित अस्पतालमा हर्ट सेन्टरसमेत छ । बैंककमा रहेका समिटभेजका चारमध्ये यो सबैभन्दा उच्चस्तरीय अस्पताल हो । यही समिटभेज अस्पतालको प्राविधिक सहयोगमा नेपालमा पनि ग्रान्डी अन्तराष्ट्रिय अस्पताल सञ्चालनको तयारी भैरहेको छ । पारसलाई सुखुम्भितको ९४०३ नम्वरको कोठामा भएको आइसियुमा राखिएको छ ।
पारसको अहिले सुखुम्भितको यही आइसियु बेडमा उपचार भैरहेको छ,
सुखुम्भितको आइसियुमा राख्दा औषधीबाहेक दैनिक ११ हजार सात सय भाट झण्डै ३५ हजार रुपैयाँ खर्च पर्दछ । सुखुम्भितको आइसियुको चार्ज मात्रै छ हजार भाट झण्डै दुई सय डलर पर्दछ । त्यसैगरी दैनिक १२ सय भाट सर्भिस चार्ज र साढे चार हजार भाट नर्सिङ चार्ज पर्दछ । यसबाहेक उपचारमा संलग्न चारै जना ‘रेजिडेन्ट’ चिकित्सकको खर्च पनि छुट्टै लाग्ने गर्दछ ।
