खिलराज रेग्मीको नेतृत्वमा ११ सदस्यीय मन्त्रिपरिषद गठन भएको आज जेठ १ गते ६० दिन पूरा भएको छ । सरकारले दुई महिनामा गरेको १४ बुँदे प्रगति रेग्मी सरकारले सार्वजनिक गरिसकेको छ । तर, ६० दिनभित्र प्रधानमन्त्री र मन्त्रीहरुले आफ्नो सम्पत्ति विवरण गोरखापत्रमा प्रकाशित गर्नुपर्ने प्रचलनबारेमा चाँहि रेग्मी सरकारले सुनेको नसुन्यै गरेको छ ।
विसं. ०४६ को परिवर्तनपछि मन्त्रीहरुको सम्पत्ति विवरण गोरखापत्रमा प्रकाशित गर्ने र सरकारको आधिकारिक वेभसाइटमा समेत राख्ने प्रचलन शुरु भएको हो । लोकमानसिंह कार्कीलाई अख्तियारमा नियक्ति गरेपछि भ्रष्टाचार नियन्त्रण र सुशासन कायम हुने अपेक्षा गरेको सरकार आफैंले चाँहि सम्पत्ति विवरण लुकाएर जनताको सूचनाको अधिकारमाथि ठाडो चुनौती दिएको छ । हेरौं, लोकमानले सरकारलाई सम्पत्ति विवरण सार्वजनिक गर्न लगाउँछ या छुट दिन्छ ।
रेग्मी सरकारले आफ्नो सम्पत्ति विवरण जनताबाट लुकाए पनि ९ मन्त्रीहरु बसोबास गर्ने घरचाँहि यस्ता रहेछन् :
अध्यक्ष खिलराज रेग्मीको बानेश्वर प्रवचनमार्गस्थित घर ।
ऊर्जा, विज्ञान, प्रविधि तथा वातावरण र सिँचाइ मन्त्री उमाकान्त झाको धोबीखोला छेउको घर ।
संघीय मामिला तथा स्थानीय र स्वास्थ्य तथा जनसंख्या मन्त्री विद्याधर मल्लिकको घर ।
कृषि, वन तथा भू-संरक्षण मन्त्री टेकबहादुर थापा घर्तीको निवास ।
महिला, बालबालिका र भूमिसुधार मन्त्री ऋद्धिबाबा प्रधानको घर ।
भौतिक पूर्वाधार तथा शहरी विकास मन्त्री छविराज पन्तको सुविधानगर तीनकुनेस्थित घर ।
कानुन,संसदीय मामिला र श्रम मन्त्री हरिप्रसाद न्यौपानेको घर (वीचको रातो) ।
युवा तथा खेलकुद र शान्ति तथा पुनःनिर्माण र संस्कृति, पर्यटन तथा नागरिक उड्डयन मन्त्री रामकुमार श्रेष्ठ र अर्थमन्त्री शंकर कोइरालाको घर क्रमश : ।
तस्वीर सौजन्यः मिरर न्यूज
