विश्व बैंकको तथ्यांकअनुसार नेपालबाट
प्रतिवर्ष रोजगारका लागि करिब पाँच लाख ५४ हजार चारसय युवा विदेश जाने
गरेका छन् । यो क्रम नरोकिने हो भने मुलुकको अवको २० बर्षपछि बुढाबुढीको
देशमा गणना हुने अर्थशास्त्रका जानकारहरु बताउँछन् ।
मुलुकमा प्रतिवर्ष चार लाखजना श्रमबजारमा
आउँछन् तर, रोजगारका लागि विश्वका एकसय आठ देशमा लगातार उक्तसोही संख्याको
हाराहारीमा विदेशिने क्रम जारी रहेको छ । यो क्रम नरोकिए मुलुक बुढाबुढीको
देशको रुपमा गणना नहोला भन्न सकिन्न । राष्ट्रिय जनगणना, २०६८ ले मुलुकमा
कुल जनसंख्याको ४३ दशमलब ६९ प्रतिशत अर्थात एक करोड ६ लाख १२ हजार युवाको
संख्या रहेको देखाएको छ ।
भारतमा रोजगारका लागि बाषिर्क कति नेपाली
जान्छन् भन्ने तथ्यांक यकिन नभए पनि समग्रमा प्रतिवर्ष रोजगारका लागि
सातदेखि आठ लाखको हाराहारीमा युवा बाहिरिएको अनुमान छ ।
अर्थविद् चन्द्रमणि अधिकारीले माक्सबाद,
लेलिनवाद, जनवाद तथा बीपीवाद्भन्दा स्वदेशको बेरोजगारवाद कार्यसूचीमा
नराख्ने हो भने अव २० बर्षमा नेपाल बुढाबुढीको देशमा गणना नहोला भन्न
नसकिने बताए । रासस
