काठमाडौं, १० चैत्र । श्रम विभागका महानिर्देशक सरुवा प्रकरणमा बिवादमा मुछिएकी श्रम तथा यातायात व्यवस्था मन्त्री सरिता गिरीलाई प्रधानमन्त्री बाबुराम भट्टराईले आज पद मुक्त गरेका छन् ।
महानिर्देशक भट्टराईले नयाँ मेनपावर कम्पनी दर्ता गर्न नमानेपछि गिरीले सरुवा गरेकी आरोप छ ।
प्रधानमन्त्री भट्टराईले महानिर्देशकको सरुवालाई लिएर गिरीसँग स्पष्टिकरण समेत सोधेका थिए ।
स्पष्टिकरणप्रति चित्तनबुझेपछि गिरीसँग भट्टराईले राजीनामा माग गरेका थिए ।
गिरीले राजीनामा दिन नमानेपछि पदमुक्त गरेको प्रधानमन्त्रीको निजी सचिवालयले जनाएको छ ।
गिरीलाई पदमुक्त गरिएपछि उनको ठाउँमा राष्ट्रिय जनमुक्ति पार्टीका अध्यक्ष तथा सभासद एमएस थापालाई श्रम मन्त्री बनाईने स्रोतको भनाई छ ।
