फोन हृयाकिङका विषयमा विवाद भएपछि यो अखबारले आइतबारदेखि नियमित प्रकाशन बन्द गरेको हो । पत्रिकाको अन्तिम संस्करणको मूख्य पृष्ठमा 'धन्यवाद र अलबिदा' भन्दै पत्रिका बन्दको घोषणा गरिएको छ ।
पत्रिकाको कार्यालयमा प्रकाशन बन्द घोषणा गरेका सम्पादक कलिन मायलरले 'आफू रहनुको योग्यताको अन्त्य भएको' बताए ।
सम्पादक मायलरले करिव २ सय कर्मचारीसामू संक्षिप्त मन्तब्य दिंदै ८ हजार ६ सय ७४ औं संस्करण नै अन्तिम भएको बताए । उनले पत्रिकाका ७५ लाख पाठक र कर्मचारीलाई धन्यवाद दिए ।
पत्रिकाको पूरा पृष्ठको सम्पादकीयमा पनि पाठकसामू माफी मागिएको छ । 'हामी आफ्नो बाटो बिराएका थियौं,' सम्पादकीयमा लेखिएको छ । अन्तिम अंकमा विज्ञापन छापिएको छैन ।
पत्रिका बन्द भएपछि त्यसमा कार्यरत २ सय कर्मचारी बेरोजगार भएका छन् ।
