काठमाडौं । एशियाका लाखौ मानिसलाई ट्विटको सेवा दिन ट्विटरले इन्टरनेटबिना नै आफ्नो सेवा लिन सकिने व्यवस्था गर्न लागेको छ । सिंगापुरस्थित युटोपियासंग मिलेर यस्तो सेवा दिन लागिएको युटोपियाका कार्यकारी प्रमुख सुमेश मेननले बताए । यो सेवाबाट विश्वमा एकसय ४० अक्षरको माइक्रो ब्लगिङ सेवा दिदै आएको ट्विटर इन्टरनेट नचल्ने मोबाइलबाट पनि ट्विट गर्न सक्ने छन् । उनीहरुले केवल एउटा कोड डायल गर्नु पर्ने हुन्छ, त्यसले ट्विटरको नेटवर्कसँग सम्वन्ध स्थापित गर्ने छ, रोयटर्सले लेखेको छ ।यस्तै सेवा गुगलको जिटक र फेसबुकले दिइरहेका छन् । एशियाका करिव एककरोड १० लाख मानिसले यस्तो सेवा लिएका छन् । गत महिना सेयर सार्वजनिक गरेको ट्विटरका दुई करोड ३० लाख प्रयोगकर्ता छन् । कम्पनीको मुल्यांकन करिव २५ अर्ब अमेरिकी डलर पुगेको छ । युटोपियाले टेलिकमको युएसएसडि अर्थात अनस्टक्चर्ड सप्लिमेन्टरी सर्भिस डाटासँग सम्वन्ध स्थापित गर्छ तर त्यसमा तस्बिर र भिडियो हेर्न सकिदैन । ‘ट्विटरका लागि युएसएसडि राम्रो माध्यम हुन सक्छ किनकीः यसको निर्माण सिमित टेक्स्ट (अक्षर) का लागि भएको छ,’ मेननले भने । एशियाका उदयमान अर्थतन्त्रमा प्रत्येक दशमा आठजनाले आज पनि डाटा सेवा लिएका छैनन् ।
विश्वका ३० देशमा उपस्थिती रहेको युटोपियाले ट्विटरको अक्षरलाई स्थानिय भाषा समेत ग्रहण गर्न सक्ने बनाउने छ । ‘स्थानिय भाषामा भएपछि यसलाई बेंङलोर वा मुम्बई जहा बस्ने भएपनि प्रयोग गर्न सक्ने छन्,’ उनले भने । युटोपियाले अहिले टेलिनोर, भोडाफोन, भारती एहरटेल जस्ता कम्पनीसँग मिलेर काम गरिहेको छ । इन्टरनेट सहित सेवाबाट युटोपियाले कुल बिलको ३० देखि ४० प्रतिशतसम्म प्राप्त गर्दछ
