साइन्स ट्रान्सलेशन मेडिसिनमा प्रकाशित लेखमा ठूलो मात्रमा सरकारी क्लिनिकल ट्रालय सुरु गर्न समेत सुझाव दिइएको छ । भिटामिनको पेटेन्ट नहुने भएकाले औषधी कम्पनीहरुको तर्फबाट ट्रालय चलाउन सम्भव छैन् ।
क्यान्सरका विरामीको उपचारमा भिटामिन सीलाई पहिल्यैदेखि बैकल्पिक उपचारका रुपमा प्रयोग हुँदै आएको छ । १९७० को दशकमा नसाबाट भिटामिन सीको खुराक दिँदा क्यान्सरको उपचार प्रभावकारी हुने पत्ता लागेको थियो । तर, मुखबाट शरीरमा पुग्ने भिटामिन सीको क्लिनिकल ट्रायलमा अपेक्षित परिणम नआएपछि यो अध्ययन रोकिएको थियो ।
अब यो प्रष्ट भइसकेको छ कि मुखबाट भुटामिन सी लिँदा शरीरले तिब्र गतिमा भिटामिन सी निकाल्नेछ । कन्सास विश्वविद्यालयका बैज्ञानिकका अनुसार इन्जेक्शनबाट दिइने भिटामिन सी शरीरले छिट्टै अवशोषित गर्छ । यसरी स्वस्थ कोशिकालाई हानी नगरी क्यान्सरको कोशिका समाप्त पर्छ ।
शोधकर्ताहरुले प्रयोगशालामा मुसाको क्यान्सरयुत्त गर्भाशय कोशिका र एक विरामीको क्यान्सरयुक्त गर्भाशय कोशिकामा भिटामिन सी हालेका थिए । जसमा क्यान्सर कोशिका भिटामिन सीप्रति संवेदनशील थिए, जव कि समान्य कोशिकाको कुनै क्षति भएन ।
मुसामा गरिएको अध्ययनले केमोथेरापीबाट गरिएको उपचारमा ट्युमरको विकास रोक्न सफल भएको छ । तर, केमोथेरापीसँगै भिटामिन सी दिँदा केही विरामीले भने साइड इफेक्ट्सको गुनासो गरेका थिए ।
