७ चैत्र, काठमाडौं । स्थानीयबासीको अवरोधले काठमाडौंको शंखपार्कमा नेपाली कांग्रेसका पूर्वसभापति गिरिजाप्रसाद कोइरालाको पूर्णकदको शालिक शिलान्यास कार्यक्रम स्थगित भएको छ ।
नेपाली कांग्रेसले कोइरालाको वार्षिक पूण्यतिथिको अवसरमा सोमबार विहान महाराजगन्ज शंखपार्कमा पूर्णकदको शालिक शिलान्यास कार्यक्रम तय गरेको थियो ।
कांग्रेसले शंखपार्कको नाम परिवर्तन गरी ‘गिरीजा प्रसाद कोइराला शान्ति पार्क’ नामाकरण गर्न खोजेपछि पार्क व्यवस्थापन समिति र स्थानीयले अवरोध पुर्याएका थिए । दल विशेष नेताको शालिक बनाउन नदिने भन्दै स्थानीयले अवरोध गरेपछि शालिक शिलान्यास कार्यक्रम स्थगित भएको महाराजगन्ज प्रहरीले जनाएको छ ।
शालिक शिलान्यास स्थगित गरी श्रद्धान्जलीसभा मात्र गरी कांग्रेस कार्यकताहरु फर्किएका थिए ।
