३ माघ 2067, काठमाडौं । गायक कुमार कान्छाको सोमबार निधन भएको छ ।मेरुदण्डको पक्षघातबाट पीडित कान्छाको उपचारका क्रममा भारतको मुम्बईमा रहेको रहेजा अस्पतालमा सोमबार दिउँसो निधन भएको हो ।
कान्छाको जन्म बि.सं. २०१४ साल मंसिर २८ गते भएको थियो ।
मुलघर दैलेख भएपनि बुबा आमा रोजगारीका लागि भारतको कोलकाता पुगेका बेला उहाँको कोलकातामै जन्म भएको थियो ।
कुमार कान्छाले एकसयभन्दा बढी नेपाली चलचित्रका गित गाउनु भएको थियो । उहाँले २ वटा नेपाली गिती एल्बम समेत निकाल्नु भएको थियो ।
उहाँले केही नेपाली चलचित्रमा अभिनय समेत गर्नुभएको थियो । भारतमै जन्मे हुर्केका कान्छाले त्यहाँका २५ भाषामा १ हजारभन्दा बढी गित गाउनु भएको थियो ।
