विश्वमा धनाढ्यहरुका लागि धेरै कुरा छ । पैसा खर्च गर्न सक्ने अति धनीबीच लोकप्रिय विश्वका सात प्रमुख विदा मनाउने स्थलको सूची डेली मेलले तयार पारेको छ । लाखौ अमेरिकी डलर खर्च गर्नु पर्ने यस्ता बिदा मनाउने स्थानमा जिन प्यालेसदेखि विश्वकै उत्कृष्ठ बिएण्डबिसम्म छन् । यहाँ ती उत्कृष्ट सात स्थानका विषयमा जानकारी दिइएको छ, ती सात स्थानमा एक साताका दरले बस्दा करिव २२ लाख डलर (२२ करोड रुपैयाँ)सम्म खर्च हुन्छ । यदि तपाईंमा यति धेरै खर्च गर्न सक्नु हुन्छ भने तपाई स्की चालेटदेखि क्यारेवियन द्वीपमा रहेको निजी टापुमा विदा मनाउन सक्नु हुन्छ ।
लाखौ डलर खर्च हुने यस्ता स्थल कतिको चाहना हुन सक्छ भने कतिले सोचेकोसम्म पनि नहुन सक्छ । तर तपाई करोडौं डलरको मालिक हुनुहुन्छ भने यी उत्कृष्ट पर्यटकीय स्थल तपाईका लागि बनेका हुन ।
स्टेरोइडस्थित जीन प्यालेस
जीन प्यालेसमा पाँचजना चढनसक्ने डुंगा र सवमरिनको सुविधा छ । सवमरिनबाट निस्केर क्यारेवियन समुद्रको निर्मल पानीमा गोता लगाउन सकिन्छ ।
तपाईको प्रत्येक क्रियाकलाप रेकर्ड गरिन्छ र अविस्मरणीय बनाउन तपाईलाई दिइन्छ । सार्कसँग खेल्दाको क्षण होस वा वाटर स्लाइड, ट्रम्पोलिन होस वा जीम यहाँको मज्जा नै बेग्लै छ ।
यहाँ डुंगामै सुत्ने वा पेन्टहाउसमा सुत्ने रोजाई तपाईको हुन्छ, तर त्यसका लागि चारलाख ४१ हजार पाउण्ड खर्च गर्ने क्षमता भने हुनुपर्छ ।
अल्टिमेट सफारी
अफ्रिकाको जंगल सफारी विश्वमै प्रख्यात छ । तर, तान्जानियाको सिङगिटा सेरेनगिटी हाउसमा जंगली जनावर नै तपाईलाई खोज्न आईपुग्छन् । जनवरीमा यो बाटो भएर हुलका हुल जंगली जनावर बसाईसराई गर्छन ।
सुन्दर र शान्त प्राकृतिक वातावरणमा जंगली जीवनको आनन्द यहाँ लिन सकिन्छ । अल्टिमेट सफारीको आनन्द लिन ५२ हजार पाउण्ड खर्च गर्नु पर्ने हुन्छ ।
प्राइभेट प्याराडाइज आईल्याण्ड
फ्रान्सेली परिवार कोहेनले ५० एकडमा फैलिएको ग्रेनाडाको दक्षिण किनारमा रहेको यो द्वीप १० करोड पाउण्डमा सन् २००० मा किनेका हुन् । उनले त्यत्ति नै पैसा यसको विकासमा लगाए । विगत केही वर्षदेखि यसलाई भाडामा दिन थालियो । यसको एकसाताको भाडा तीनलाख पाउण्ड छ ।
यहाँ ५० जना मानिस आरामले अटाउन सक्छन् तर केवल २० वटा मात्र बेड छ । यहाँ क्लासिकल डिजाइनर ओस्कर डेला रेन्टाले डिजाइन गरेको बाथरुम, पर्सियन रंग र इजिप्टियन कटनको प्रयोग भएको छ । यहाँ प्रत्येक दिनका लागि एक बीच र वाटर स्पोर्टसको व्यवस्था छ ।
बुलेट प्रुफ चालेट
अस्ट्रेलियन एल्पको नजिकै रहेको अंग्रेजी अक्षर एन आकारको बुलेट प्रुफ चालेट एकसाता भाडामा लिनका लागि दुईलाख ३० हजार पाउण्ड खर्च पर्छ । गत वर्षको यही सिजनमा गायिकाद्वय टिना टर्नर र रिहानाले यहाँ समय बिताएका थिए ।
यहाँ आगन्तुकलाई उनीहरुको नामको पहिलो अक्षर कुदिएको तकिया दिइन्छ, यसको अर्थ यहाँको बसाई आरामदायी र अविस्मरणीय होस भन्ने हो । यहाँ वाटरम्युजिक सिस्टम रहेको छ जुन तपाईको मुड अनुसारको संगित दिन सक्षम छ । यहाँका ११ कोठामा २४ जनासम्म सुत्न सक्ने व्यवस्था रहेको छ ।
वल्र्ड पोसेस्ट बिएण्डबि
किङ अफ क्यासल नामले परिचित भारतको राजस्थानस्थित महाराजा प्यालेसमा तीन रात बेग्लाबेग्लै होटलमा बिताउने व्यवस्था छ । यहाँ एकजना र एउ सय २० जना साथि भए पनि तपाईले तीन रातको २२ लाख पाउण्ड तिर्नु पर्छ ।
यो होटलमा प्राइभेट जेटको पनि सुविधा छ । त्यसमा उडेर भारतका विभिन्न शहरमा जान सकिन्छ तर थप पैसा भने तिर्नुपर्छ । तपाईको बसाईको सुरु उदयपुरस्थित लेक प्यालेसबाट हुन्छ । अर्को दिन उम्मिदभवन प्यालेस जोधपुर लगिन्छ । अन्तिम दिन जयपुरका महाराजाको दरबार रहेको रामबाग प्यालेस आथित्यता प्रदान गरिन्छ ।
दि जेट जस्ट फर यु
विमानस्थलमा यात्रुको घुइचो होला तर तपाई सबै कुरा छाडदै अगाडि बढन सक्नु हुन्छ, किनकी दि जेट जस्ट फर युले तपाईलाई कुरिरहेको छ । यो २० दिने जेट यात्रामा तपाईको यात्रा घर नजिकको विमानस्थलबाट सुरु हुन्छ र सिडनीमा अन्त्य हुन्छ ।
विश्वका इजिप्टको अबुसबेल मन्दिर, भारतको ताजमहल र लुआन परेवाङ जस्ता आश्चर्यजनक स्थलको अवलोकन गराउने यो जेट यात्राको खर्च पाँचलाख ९० हजार पाउण्ड पर्छ ।
दि इको मिलिनियर रिट्रिट
तपाई निजी जीवनमा कसैको दख्खल नहोस भन्ने चाहनु हुन्छ भने फिजीको लौकाला द्वीप तपाईलाई उपयुक्त हुन्छ । यहाँका २५ भिल्लामा ६० जना अटाउन सक्छन् । छ वर्ग माईलमा फैलिएको यो द्वीपका मालिक रेड बुलका उत्पादक डाइट्रिच मात्सिज हुन । यो होटलको आफ्नै ब्राण्डको तरकारी, मह, पानी र फलफुल छ । पाहुनाहरुलाई त्यहीं उत्पादन गरिएको अर्गानिक खाने कुरा दिइन्छ । बेलायतको लण्डनबाट निजी बिमानमा यहाँ पुर्याएको, सात दिन बसेको र फर्केको खर्च १० लाख पाउण्ड तिर्नुपर्दछ ।
प्रस्तुती/यादवराज जोशी
२०६५ भदौमा नेप्सेले रेकर्ड कामय गर्दा नेपाल धितोपत्र बोर्डले सञ्चालन गरेको लगानी सचेतता कार्यक्रम रोक्नु पर्यो, बजार अझै वढ्न दिनु पर्यो, हामी त डुब्यौ भन्नेहरु अहिले सेयर बजार परिसुचक एक हजार नाघ्नुपर्छ भनिरहेका छन् । तिनै लगानीकर्ताहरु जो त्यतिबेला डुबे तर डुबेको भन्न चाहेनन् उनीहरु अहिलेको राजनीतिक तथा तरल अवस्थालाई प्रयोग गरेर त्यो डुबेको पैसा उठाउन सकिन्छ कि भन्ने उनीहरुको पहलमा उल्लेख्य कारण विनै नेपालको सेयर बजार वढाउने प्रयास भइरहेको छ । 
